Maserati-ն գաղտնազերծել է իր առաջին քրոսովերը (լուսանկարներ)

01:12 • 21.02.16

Maserati մեքենաշինական ընկերությունը գաղտնազերծել է ապրանքանիշի պատմության առաջին քրոսովերը: Նորույթը, որը ստացել է Levante անվանումը, կներկայացվի մարտին` ժնևյան ավտոսրահում:

Ինչպես գրում է autonews.ru-ն` արտաճանապարհայինի սերիական արտադրությունն իրականացնելու է Fiat-ի գործարանը Թուրինում: Մեքենայի վաճառքը Եվրոպայում կսկսվի այս տարվա գարնանը:

Իտալական մոդելի տեխնիկական բնութագրիչները դեռևս գաղտնի են պահվում: Ոչ պաշտոնական տվյալներով` այն հասանելի կլինի 3 տեսակի շաժիչներով` բենզինային V6` 335 ձիաուժ հզորությամբ, V8` 560 ձիաուժով և դիզելային` 340 ձիաուժով:

2017-ին շուկայում կհայտնվի նաև Levante մոդելի հիբրիդային տարբերակը: