Snapchat-ում օրական 8 մլրդ տեսանյութ է դիտվում

Հանրահայտ Snapchat հավելվածի միջոցով օգտատերերն ամեն օր դիտում են 8 մլրդ տեսանյութ: Այս մասին հայտնել է ընկերության գործադիր նախագահ Էվան Շպիգելը, ով, ի դեպ, աշխարհի ամենաերիտասարդ միլիարդատերերի ցանկում է` ըստ Forbes-ի վարկածի:

Ինչպես նշում է Business Insider-ը, Շպիգելն ընդգծել է, որ այս ցուցանիշը 5 անգամ շատ է նախորդ տարվա նույն ժամանակահատվածում Snapchat-ի գրանցած ցուցանիշից:

Աղբյուրը մանրամասնում է, որ այժմ տեսանյութերի դիտման ծավալով Snapchat-ը հավասարվել է աշխարհի խոշորագույն սոցկայքին` Facebook-ին, որը նոյեմբերին հայտնել էր տեսանյութերի ամենօրյա դիտումների քանակը 8 մլրդ-ի հասցնելու մասին:

Նշվում է, որ Snapchat-ն ունի օրական 100 մլն ակտիվ օգտատեր։