Մինչ դուք հեծանիվ եք քշում, ձեր լվացքը լվացվում է. չինացիների ինքնատիպ գյուտը (լուսանկարներ)

Չինաստանի Դալյանի ազգային համալսարանի ուսանողները ստեղծել են հեղափոխական հեծանիվ, որի միջոցով կարելի է միաժամանակ և՛ մարզվել, և՛ լվացք անել:

Ինչպես նշում է Oddity Central-ը, ինքնատիպ գյուտը ստացել է Bike Wahing Machine կամ կրճատ B.W.M. անվանումը:

«Հեծանիվ վարելը շատ առողջարար զբաղմունք է, դե իսկ լվացք անելը` պարտականություն։ Ուստի` մենք որոշեցինք օգտակարը համատեղել անհրաժեշտի հետ ու ստեղծել այսպիսի սարք»,-նշել են գյուտի հեղինակները:

Աղբյուրը մանրամասնում է, որ ստատիկ վիճակում գտնվող հեծանիվն ունի կեղտոտ հագուստը դնելու վայր: Երբ մարդը շարժում է հեծանվի ոտնակները, համապատասխան էներգիա է արտադրվում, ու լվացքի մեքենան գործի է դրվում:

Աղբյուրը նկատում է, որ B.W.M.-ն դեռևս կոնցեպտի տեսքով է, իսկ դրա զանգվածային արտադրության համար գումար ուսանողները ներկայում չունեն։