Էլեկտրոնային սիգարետների սիրահարներին անպտղություն է սպառնում. գիտնականներ

Էլեկտրոնային սիգարետներն ավելի վտանգավոր են, քան համարվում էր նախկինում, ահազանգում է Daily Mail-ը:

Ըստ նոր հետազոտության՝ նման սարքերը միլիոն անգամ ավելի վտանգավոր նյութեր են պարունակում, քան աղտոտված օդը մեգապոլիսներում: Պարունակվող թույների մի մասը բացասական ազդեցություն է ունենում պտղաբերության, պտղի զարգացման և վահանաձև գեղձի աշխատանքի վրա:

Համապատասխան եզրակացության են եկել Հոնկոնգի Բապտիստական համալսարանի գիտնականները, որոնք ուսումնասիրել են վերջին շրջանում նորաձև 13 ծխասարքեր: Գիտական զեկույցի հրապարակումից հետո Հոնկոնգի առողջապահության ոլորտի մասնագետները իշխանություններին կոչ են արել ամբողջովին արգելել էլեկտրոնային սիգարետները: