Brabus-ը թյունինգի է ենթարկել Tesla Model S էլեկտրական մոդելը (լուսանկարներ)

Գերմանական Brabus  թյունինգային ընկերությունը ներկայացրել է իր վերաձևավորած Tesla Model S  էլեկտրական մեքենան:

Ինչպես գրում է Tech Insider-ը, փոփոխության չեն ենթարկվել մեքենայի շարժիչային համակարգն ու հզորությունը, սակայն Brabus-ի շնորհիվ Tesla-ի հայտնի մոդելը առավել ագրեսիվ և խելահեղ տեսք է ստացել:

Brabus Model S-ի առավել ագրեսիվ տեսքը ապահովում են դիզայնում տեղ գտած հավելյալ ածխածնային մանրաթելերը: 

Մեքենայի սրահը կարող է հարմարեցվել պատվիրողի  նախասիրություններին համապատասխան: Brabus Model S հեռախոսի լիցքավորիչ սարքեր ունի, ինչպես նաև բաժակի կամ շշի  համար նախատեսված տեղ, որը կտաքացնի կամ կսառեցնի խմիչքը:

Էլեկտրական մոդելի գինը կախված է պատվերի առանձնահատկություններից: