Corvette-ն արագության համաշխարհային ռեկորդ է սահմանել էլեկտրամեքենաների շրջանում (տեսանյութ)

19:29 • 09.03.16

Ամերիկյան Genovation Cars ընկերությունը համաշխարհային ռեկորդ է սահմանել էլեկտրամեքենաների շրջանում, որոնցով թույլատրվում է երթևեկել ընդհանուր օգտագործման ճանապարհներով:

Ինչպես հայտնում է Motor.ru-ն, ռեկորդային արագությունը 300.6 կմ/ժամն է, որը սահմանել է Genovation GXE կուպեն, որը ստեղծվել է 2006 թվականի արտադրության Chevrolet Corvette Z06 սուպերքարի հիման վրա: Մեքենան զինել են 700 ձիաուժ հզորություն զարգացնող էլեկտրաշարժիչով:

Արագության ռեկորդը պաշտոնապես գրանցել է International Mile Racing Association ասոցիացիան:
Կուպեն ունակ է 100 կմ/ժամ արագությունը հավաքել 3 վայրկյանում, իսկ մարտկոցների համալիրը թույլ է տալիս առանց վերալիցքավորման 210 կմ տարածություն անցնել: