Հայուհին տրամադրել է իր ցողունային բջիջները քաղցկեղով հիվանդ հրեա կնոջ կյանքի փրկության համար

Յոթ տարի առաջ, երբ Երևանի բնակչուհի Մարիան դարձավ Ոսկրածուծի դոնորների հայկական ռեեստրի (Armenian Bone Marrow Donor Registry) դոնոր, նրա մտքով չէր էլ անցնում, որ մի օր կկարողանա ինչ-որ մեկի կյանքը փրկել։ Այդ հնարավորությունը հայուհուն ընձեռվել է մարտի 9-ին:

Ինչպես նշում է Asbarez-ը, Երուսաղեմի Hadassah բժշկական կենտրոնի Ոսկրածուծի փոխպատվաստման բաժանմունքը դիմել է հայկական ռեեստրին` համապատասխան դոնոր գտնելու նպատակով: Արդյունքում պարզվել է, որ 36-ամյա Մարիան հենց նա է, ում կարիքը զգացվել է քաղցկեղով հիվանդ հրեա կնոջ կյանքը փրկելու համար: Բժշկական որոշ թեստեր անցկացնելուց հետո իսրայելցի մասնագետները խնդրել են իրենց տրամադրել Մարիայի ցողունային բջիջները, որպեսզի հնարավոր լինի փրկել հիվանդին:

Մարիայից ցողունային բջիջների անհրաժեշտ քանակի վերցման գործընթացը, որը, ի դեպ, անցավ է, կատարվել է Երևանում` բժիշկ Անդրանիկ Մշեցյանի գլխավորությամբ: Այնուհետև ցողունային բջիջներն ուղարկվել են Իսրայել:

Աղբյուրը մանրամասնում է, որ ռեեստրն ունի 28.000 դոնոր` աշխարհի 28 երկրում։