Իսրայելի բնակչուհին 2.000-ամյա հազվագյուտ ոսկյա մետաղադրամ է գտել (լուսանկարներ)

16:44 • 15.03.16

Իսրայելի բնակչուհի Լորի Ռիմոնը երկրի հյուսիսային հատվածում ընկերների հետ քայլարշավի ընթացքում թանկարժեք իր է գտել։

Ինչպես նշում է The Times of Israel-ը, կինը գտել է 2.000 տարվա պատմություն ունեցող հռոմեական ոսկյա մետաղադրամ, որի վրա հատված է Օգոստոս կայսեր կիսադեմը:

Հետաքրքրական է, որ նախքան այս՝ ամբողջ աշխարհում այս մետաղադրամից հայտնաբերվել էր ընդամենը մեկ օրինակ, որն այժմ պահվում է Լոնդոնի հանրահռչակ Բրիտանական թանգարանում: Այդ իսկ պատճառով կնոջ գտածոն այսքան նշանակալի է:

Նորահայտ մետաղադրամն ուսումնասիրելուց հետո հնագետները պատմել են, որ այն հատվել է Տրայանոս կայսեր կառավարման օրոք: Դրա վրա պատկերված են նաև հռոմեական լեգիոնի խորհրդանիշները:

«Այս մետաղադրամով Տրայանոսը հարգանքի տուրք է մատուցել իրեն նախորդած Օգոստոս կայսերը»,-մանրամասնել է հնագետ Դենի Սիոնը:

A 2,000-year-old coin featuring a portrait of the emperor 'Deified Augustus.' (Samuel Magal, courtesy of the Israel Antiquities Authority)

Laurie Rimon with a 2,000 year old coin she found while out hiking. (Samuel Magal, courtesy of the Israel Antiquities Authority)

Symbols of the Roman legions next to the name of the ruler Trajan on a 2,000 year old gold coin found in northern Israel. (Samuel Magal, courtesy of the Israel Antiquities Authority)