Առաջարկներ, որոնց շնորհիվ ձեր համակարգիչը կաշխատի ինչպես նորը

Մարդիկ մեքենայի յուղը փոխում են որոշակի ժամանակը մեկ, այցելում են բժշկի՝ ստուգվելու, կամ ատամնաբույժի, հետևում են, որ ժամանակին վճարեն հարկերը… Համակարգիչները ևս առանձնահատուկ խնամքի և ուշադրության կարիք ունեն:

Time-ն առաջարկում է նոր համակարգիչ գնելուց առաջ իրականացնել որոշ քայլեր, որոնցից հետո, հնարավոր է, հին ու անպետք թվացող համակարգիչը սկսի աշխատել ինչպես նորը:

Եթե դուք մի քանի րոպե ազատ ժամանակ ունեք, ապա նախ մաքրեք ձեր համակարգչի desktop-ը:
Համակարգելով կամ ջնջելով այնտեղ հավաքված ֆայլերը, դուք արդեն կսկսեք զգալ, որ համակարգիչը պակաս ծանրաբեռնվածությամբ է աշխատում:
 

Ջնջեք ավելորդ ծրագրերը. մենք օգտագործում ենք մեր ծրագրերի շատ փոքր տոկոսը: Եթե դուք չեք օգտագործել ծրագիրն անցյալ տարվա ընթացքում, խորհուրդ ենք տալիս պարզապես ջնջել այն:


Յուրաքանչյուր սելֆին կամ մայրամուտի նկարն առնվազն 3.5 մեգաբայթ տարածք է զբաղեցնում ձեր համակարգչում: Կան բազմաթիվ առցանց ծառայություններ, որոնք ավելի մեծ տարածք են տրամադրում, քան դուք կկարողանաք երբևէ օգտագործել: Օգտվե՛ք դրանցից:

Խորհուրդ է տրվում ձեր նկարները համակարգել առաջնահերթության հիմքով, այլ ոչ տարին մեկ անգամ:

Տարվա մեջ մեկ անգամ վիրտուալ ընկերների ցանկը մաքրելը լավ միջոց է՝ վստահ լինելու՝ արդյո՞ք ձեր լրահոսում միայն անհրաժեշտ տեղեկատվությունն է: Յոթերորդ դասարանի ծանո՞թ, զարմիկի ընկերոջ կողմից ղեկավարվող է՞ջ. ցտեսություն: Ձեր շրջանականը պահեք ամուր՝ տեղ տալով նրանց, ովքեր կապ ունեն ձեզ հետ:

Ձեր էլեկտրոնային փոստը պահեք հնարավորինս ազատ:
Նամակներն արխիվացնելու հիմնական տարբերակներից մեկն ամեն տարվա համար առանձին թղթապանակ բացելն է: Օրինակ՝ այն կոչել 2015, և անցյալ տարվա բոլոր նամակները հեռացնել: