Պակիստանցի երիտասարդ թեյավաճառի լուսանկարը տարածվել է համացանցում, որից հետո նրան մոդելի աշխատանք են առաջարկել. լուսանկարներ

Պակիստանում թեյ վաճառող կապուտաչյա երիտասարդը մոդելի կարիերա է սկսել այն բանից հետո, երբ վերջինիս լուսանկարները մեծ տարածում են գտել համացանցում:

Ինչպես ներկայացնում է Daily Mail-ը, 18-ամյա Արշադ Խանը թեյի վաճառքի տաղավարն է աշխատեցրել Պակիստանի մայրաքաղաք Իսլամաբադի կենտրոնական շուկայում, երբ նրա գործողություններին հետևող լուսանկարչուհի Ջիա Ալին պատկերել է նրան աշխատելիս:

Սոցիալական ցանցերում լուսանկարի հրապարակումից 4 օր անց Արշադը մոդելային պայմանագիր է կնքել Fitin.pk առցանց մանրածախ վաճառք իրականացնող ընկերության հետ: