Պարո՛ն Շաբոյան, Ձեր ջանքերն ուղղեք առաջնային սպառման ապրանքների շուկա. վարչապետը «Երևանի գարեջրից» 110 մլն բռնագանձելու մասին (տեսանյութ)

ՀՀ վարչապետ Կարեն Կարապետյանն այսօր Կառավարության նիստի ընթացքում անդրադարձավ Տնտեսական մրցակցության պաշտպանության պետական հանձնաժողովի՝ «Երևանի գարեջուր» գործարանից 110 մլն դրամ բռնագանձելու որոշմանը:

Վարչապետի խոսքով՝ չնայած հանձնաժողովն անկախ մարմին է, սակայն դա իրենց չի զրկում կարծիք հայտնելու հնարավորությունից։

«Պարոն Շաբոյանին և Տնտեսական մրցակցության պաշտպանության պետական հանձնաժողովին հորդորում ենք իրենց ջանքերը կենտրոնացնել առաջին հերթին առաջնային սպառման ապրանքների շուկայի վրա, որի վերաբերյալ հասարակությունից հնչող մտահոգություններն ավելի շատ են»,-ասաց նա։

Կարեն Կարապետյանը նշեց, որ առաջնային ապրանքների շուկան առավել առաջնահերթ խնդիրներ ունի, քան գարեջրի արտադրության բնագավառը, որտեղ շուկայում կան մեծ թվով գարեջուր արտադրողներ և ներմուծողներ, և կա լուրջ մրցակցություն: