Ռուսաստանն արևային էներգիայով աշխատող նոր սերնդի անօդաչու սարք է փորձարկում (տեսանյութ)

Ռուսաստանը արևային էներգիայով աշխատող անօդաչու թռչող սարքեր է փորձարկում, որը կարող է մի քանի օր թռչել առանց դադարի:

Ինչպես ներկայացնում  Daily Mail-ը, եթե փորձարկումը հաջող անցնի, մեծ ինքնաթիռի թևերի տեսք ունեցող անօդաչուները կարող են կատարել որոշ գործառույթներ, որոնք կատարում են ժամանակակից տիեզերական արբանյակները:

LA-252 Aist մոդելը փորձարկվելու է 15-21 կմ բարձրություններում և կարող է օգտագործվել որպես հաղորդակցման սարք և Wi-Fi կապի հաղորդիչ:

Ռուս գիտնականների կարծիքով՝ սարքը կարող է առանց վայրէջք կատարելու թռչել մի քանի օր և նոր դռներ բացել անօդաչու ավիացիայի ոլորտում: Նրանց խոսքով՝ այն կարող է աշխատել տիեզերական արբանյակների հետ համատեղ:

Ի դեպ` անօդաչուի արևային վահանակների շնորհիվ այն կարող է էներգիա ստանալ ցանկացած եղանակի պարագայում: