Ալյասկայի ափ նետված ծովային արարածի մնացորդները շփոթության են մատնել գիտնականներին (լուսանկարներ)

Ալյասկայի հեռավոր ափերից մեկում ծովը ցամաք է նետել առեղծվածային ջրային արարածի մնացորդներ, որոնք հայտնաբերել է Բյորն Դիլ անունով ձկնորսը:

Ինչպես նշում է The Sun-ը, տարօրինակ կենդանու մնացորդները շփոթեցրել են գիտնականներին, որոնք դեռևս չեն կարող որոշել, թե ինչի հետ գործ ունեն:

«Սկզբում մտածեցի, թե ափին կատվաձկան ինչ-որ տեսակ է, բայց երբ մոտեցա, միանգամից հասկացա, որ դա ինչ-որ ահռելի կենդանու ներքին օրգաններն են»,-ասել է ձկնորսը:

Մասնագետների մի մասը կարծում է, որ դա կարող է լինել խաղաղօվկիանոսյան շնաձկան տեսակներից մեկի լյարդը: Ի դեպ, հայտնաբերված նմուշն ունեցել է 1.5մ երկարություն: