Adidas-ն օվկիանոսներից հավաքված աղբից մարզակոշիկներ է պատրաստել (լուսանկարներ)

Մարզահագուստի, կոշիկների ու մարզական այլ պարագաների արտադրությամբ զբաղվող գերմանական Adidas ընկերությունը «PARLEY FOR THE OCEANS» բնապահպանական կազմակերպության հետ համագործակցության շրջանակում ներկայացրել է օվկիանոսներից հավաքված պլաստիկե աղբից պատրաստված մարզակոշիկներ:

Ինչպես նշում է Euromag-ը, այսպիսով՝ հայտնի բրենդն իր լուման է ներդրել օվկիանոսների մաքրման գործընթացում:

Աղբյուրը նկատում է, որ ներկայացված EQT Support ADV by Parley մոդելներն ունեն ոճային տեսք ու հարմարավետ են: Դրանք արդեն հանվել են վաճառքի ու արժեն 160 դոլար:

Հայտնի է, որ յուրաքանչյուր տարի ծովեր ու օվկիանոսներ է թափվում 6.5-8 մլն տոննա պլաստիկե աղբ: Ուստի՝ Adidas-ը փորձել է իր նոր արտադրանքի միջոցով հանրության ուշադրությունն ուղղել շրջակա միջավայրը մաքուր պահելու խնդրին: