ԱՄՆ-ում տեսախցիկները ֆիքսել են ասուպի անկումը գիշերային երկնակամարում (տեսանյութ)

Ամերիկյան Ֆենիքս քաղաքում տեսահսկման տեսախցիկները ֆիքսել են  ընկնելու ժամանակ գիշերային երկնակամարը լուսավորած ասուպը:

Համապատասխան տեսանյութը տեղադրվել է Weather Network հեռուստաալիքի յութուբյան ալիքում:

Ֆիքսված կադրերում երևում է՝ ինչպես է երկնային մարմինը մի քանի վայրկյանով փայլատակում մթության մեջ ու արագ հանգում:

Նշենք, որ ասուպները տիեզերական օբյեկտների այն մասնիկներն են, որոնք մեծ արագությամբ մտնում են Երկրի մթնոլորտ, ինչի հետևանքով էլ այրվում են՝ առաջացնելով ընկնող աստղի էֆեկտ: