Եղանակն՝ այսօր
ԱՄՆ-ում մարդու գլխուղեղի մեջ առաջին անգամ տրամադրության վրա ազդող իմպլանտ է տեղադրվել
Կալիֆոռնիայի համալսարանի և Մասաչուսեթսի հոսպիտալի նյարդակենսաբանների երկու խումբ ԱՄՆ-ի պաշտպանության նախարարության հեռանկարային հետազոտական նախագծերի վարչության ընդհանուր ղեկավարության ներքո առաջին անգամ նեյրոիմպլանտ է տեղադրել մարդու գլխուղեղի մեջ, որն էլեկտրամագնիսական ալիքներ է գեներացնում և այս կերպ կարգավորում պահվածքն ու զգացողությունները: Հետազոտության արդյունքները հրապարակվել են Nature ամսագրում:
Հատկանշական է, որ սա հետադարձ կապով առաջին նեյրոիմպլանտն է, որը հաջողվել է տեղադրել ողջ մարդու գլխուղեղի մեջ:
Գիտնականների խոսքով՝ սարքը կարդում է գլխուղեղի էլեկտամագնիսական դաշտը, տարբեր ֆիզիկական վիճակներին բնորոշ ձևանմուշներ առանձնացնում և սեփական էլեկտրամագնիսական տատանումներ ստեղծում այնպես, որպեսզի գլխուղեղի և իմպլանտի էլեկտրամագնիսական ակտիվության արդյունքը նշված բնութագրերով տատանումներ ստեղծի:
Ենթադրվում է, որ սարքը կարելի է օգտագործել նյարդային խանգարումների՝ ընկճախտի և հետտրավմատիկ սթրեսային խանգարման բուժման համար:
Նշվում է, որ սարքն արդեն փորձարկվել է վեց կամավորի վրա:
Studio One