Վրացական գինին ներառվել է Գինեսի ռեկորդների գրքում՝ որպես ամենահինը

Վրացական գինին ներառվել է Գինեսի ռեկորդների գրքում՝ որպես ամենահին գինի: Այդ մասին հաղորդվում է կազմակերպության կայքում:

Ռեկորդը գրանցվել է, երբ գիտնականների խումբը հնագիտական պեղումներ է իրականացնել Թբիլիսիից 50 կիլոմետր հեռավորության վրա գտնվող Գադակրիլի Գորա և Շուլավերիս Գորա կոչվող բնակավայրերում, որոնք թվագրվում են մ.թ.ա. 6000-5800 թվականներին:

Հետազոտողները հայտնաբերել են 8 հազար տարվա հնության կավե անոթներ, որոնք պարունակել են գինու մնացորդային միացություններ:

Ինչպես նշվում է կայքում, մինչ այդ գինեգործության ամենավաղ վկայությունը հայտնաբերվել էր Իրանում՝ մոտ 7000 տարվա հնության խեցեղենի վրա: