Լուսանկարչության պատմության առաջին 9 պատկերները (ֆոտոշարք)

Շուրջ 200 տարի առաջ ֆրանսիացի ֆիզիկոս Ժոզեֆ Նիսեֆոր Նյեպսը ասֆալտի բարակ շերտ է տարածել մետաղյա մակերեսի վրա և այն պահել արևի տակ մութ (օբսկուր) խցիկում: Այդպես նա ստացել է աշխարհում առաջին «տեսանելիի արտացոլանքը»: Լուսանկարն այնքան էլ որակյալ չի ստացվել, բայց հենց դրանից է սկիզբ առել լուսանկարչության արվեստը: Այս մասին գրում է Bigpicture.ru-ն՝ առաջարկելով ծանոթանալ աշխարհում արված առաջին լուսանկարներին:

1.     1826 թվական, առաջին և հնագույն լուսանկարը

Ժոզեֆ Նյեպսը պատկերել է լուսամուտից բացվող տեսարանը:

2.     1838 թվական, այլ մարդու լուսանկար

Լուի Դագերը պատկերել է այլ մարդու առաջին լուսանկարը, որը ներկայացնում է աշխույժ փողոց, որն ամայի տեսք է ստանում 10 րոպե անց, բացառությամբ  մեկ մարդու՝ լուսանկարի ստորին ձախ անկյունում:

3.     1858 թվական, առաջին ֆոտոմոնտաժը

1858-ին Հենրի Փիչ Ռոբինսոնը ստեղծել է առաջին ֆոտոմոնտաժը՝ մի քանի ժապավեններ մեկ պատկերում միացնելով:

4.     1861 թվական, առաջին գունավոր լուսանկարը

Շոտլանդացի մաթեմատիկոս Ջեյմս Քլերկ Մաքսվելն ստացել է առաջին գունավոր լուսանկարը:

5.     1875 թվական, առաջին ինքնանկարը

Հանրահայտ ամերիկացի լուսանկարիչ Մեթյու Բրեդին առաջին մարդն էր, որն ինքն իրեն է լուսանկարել:

6.     1903 թվական, երկնքից արված առաջին լուսանկարը

Առաջին օդային լուսանկարիչները թռչուններն են եղել: Յուլիուս Նոյբրոները տեսախցիկն ու թայմերը ամրացրել է աղավնու վզին: Այս հայտնագործությունը գերմանական բանակն օգտագործել է ռազմական հետախուզության համար:

7.     1926 թվական, առաջին գունավոր ստորջրյա լուսանկարը

Այն արվել է Մեքսիկական ծոցում՝ National Geographic-ի լուսանկարիչ Չարլզ Մարտինի կողմից:

8.     1946 թվական, առաջին լուսանկարը տիեզերքից

Հոկտեմբերի 24-ին տեսախցիկը, որը տեղադրված է եղել V-2 հրթիռի վրա, լուսանկար է պատկերել Երկրի վրա 105 կմ բարձրությունից:

9.     1972 թվական, ամբողջությամբ լուսավորված Երկրի առաջին լուսանկարը

Երկրագնդի առաջին ամբողջական լուսանկարը հայտնի է որպես The Blue Marble («Կապույտ մարմար»): Այն պատկերվել է դեկտեմբերի 7-ին՝ «Ապոլոն-17» տիեզերանավի թիմի կողմից: