2018-ին Երկրին գանգաձև երկնաքար կմոտենա (լուսանկարներ)

09:32 • 22.12.17

Երկրին մոտենում է մոտ 700 մ տրամագծով երկնաքար, որն արտաքուստ շատ նման է մարդկային գանգի, հայտնում է sciencedaily.com-ը՝ մանրամասնելով, որ օբյեկտը մոլորակի կողքով կանցնի 2018թ. նոյեմբերին:

Հայտնի է, որ երկնաքարն առաջին անգամ Երկրի կողքով անցել է 2015թ. հոկտեմբերին՝ 499.000 կմ հեռավորության վրա: Այն շարժվել է 125.500 կմ/ժ արագությամբ:

Գիտնականների խոսքով՝ 2015 TB145 կոչվող գանգաձև երկնաքարի վերադարձը հրաշալի հնարավորություն է այն ևս մեկ անգամ հետազոտելու համար:

Հայտնի է, որ այս անգամ գանգաձև մարմինը Երկրի կողքով կանցնի նախորդ անգամվանից ավելի մեծ հեռավորության վրա:

Մասնագետների համաձայն՝ 2015 TB145-ը տեսնելու համար հարկավոր կլինի դիտել շատ մեծ կամ տիեզերական աստղադիտակից:

The comet was observed by optical and radar observatories around the world, providing even more data, including this, our first close-up views of its surface