Հնագետները Նիդեռլանդներում հայտնաբերել են մոր ու մանկան 6.000 տարվա գերեզման. The New York Post

Նիդեռլանդների հնագետները Նյուվեգեյն քաղաքի մերձակայքում արել են ուշագրավ հայտնագործություն՝ գտնելով մոր ու մանկան գերեզման, որն ունի 6.000 տարվա պատմություն, գրում է nypost.com-ը։

Հնագետների կարծիքով՝ մահվան ժամանակ երեխան մոտ կես տարեկան է եղել: Նրանք նման եզրահանգման են եկել կաթնային ատամներ պարունակող ծնոտի մի հատվածի ուսումնասիրման արդյունքում:

Նշվում է, որ սա մասնագետների կողմից մանկան ամենահին գերեզմանի պեղման առաջին դեպքն է:

Գերեզմանը գտնվել է 2մ խորության վրա: Սկզբում հնագետներն ուշադրություն են դարձրել 20-30 տարեկան կնոջ մնացորդներին, իսկ հետո նրանց ուշադրությունը գրավել է այն հանգամանքը, որ կնոջ ձեռքը կորացած է: Հետագա մանրազնին ուսումնասիրությունը ցույց է տվել, որ ձեռքի հատվածում երեխայի ոսկրային մնացորդներ կան: Այնպիսի տպավորություն է ստեղծվել, որ մայրն իր գրկում քնեցրել է փոքրիկին:

Հայտնաբերված մնացորդների ԴՆԹ անալիզի անցկացման դեպքում հնարավոր կլինի պարզել երեխայի սեռը, նրանց տարիքը, նաև հաստատել նրանց արյունակցական կապը: