Բրիտանացի տիեզերագնացն ասել է՝ քանի տարուց մարդիկ վայրէջք կկատարեն Մարսի վրա

Բրիտանացի տիեզերագնաց Թիմ Փիքը պատմել է, որ կոմերցիոն տիեզերական թռիչքների շնորհիվ մարդիկ կկարողանան արդեն 20 տարուց վայրէջք կատարել Մարս մոլորակի վրա:

Ինչպես նշում է The Independent-ը, Փիքը վստահություն է հայտնել առ այն, որ միլիարդատեր Իլոն Մասկի՝ վերջերս բարեհաջող արձակած Falcon Heavy գերծանր հրթիռը միանգամայն նոր էջ բացեց ավիատիեզերական ոլորտում, ինչը չափազանց ոգևորիչ է:

Չնայած, որ պետական տիեզերական գործակալությունները կանխատեսում են, որ Մարսի վրա մարդկանց առաջին վայրէջքը տեղի կունենա 2030-ական թվականների վերջին, սակայն կոմերցիոն տիեզերական ընկերություններն այդ ժամկետը զգալի առաջ կբերեն, գտնում է բրիտանացին:

Նա նաև անդրադարձել է Deep Space Gateway միջազգային տիեզերական նախագծին, որը ենթադրում է Լուսնի ուղեծրի վրա տիեզերակայան կառուցելուն: Փիքի կարծիքով՝ Deep Space Gateway-ը մարդկության համար ուղի կհարթի տիեզերքն ավելի խորն ուսումնասիրելու համար: