Չինական Tiangong-1 տիեզերական սարքը մի քանի շաբաթից կբախվի Երկրին

Չինաստանի ուղեծրային դասի առաջին տիեզերական սարքն առաջիկա մի քանի շաբաթվա ընթացքում կբախվի Երկրին, սակայն գիտնականներին չի հաջողվել որոշել, թե կոնկրետ որտեղ կընկնի 8.5 տոննա քաշով սարքը:

Ամերիկացի մասնագետների համաձայն՝ Tiangong-1-ը կմտնի Երկրի մթնոլորտ ապրիլի առաջին շաբաթվա ընթացքում: Մինչդեռ Եվրոպական տիեզերական գործակալության փոխանցմամբ՝ մոդուլը մթնոլորտ կմտնի մարտի 24-ից ապրիլի 19-ն ընկած ժամանակահատվածում:

Ինչպես նշում է The Guardian-ը, 2016թ. Չինաստանը խոստովանել էր, որ կորցրել է Tiangong-1-ի նկատմամբ վերահսկողությունն ու չի կարողանա կառավարել դրա՝ կրկին Երկրի մթնոլորտ մտնելու գործընթացը:

Մասնագետները հավելել են, որ երբ մոդուլը մտնի մթնոլորտ ու բախվի Երկրին, քիչ է հավանականությունը, որ դա որևէ վնաս կպատճառի: