Իրենց  IQ-ով պարծեցողները պարտվողներ են. Սթիվեն Հոքինգի մտքերը, որոնք բացահայտում են հանճարին 

Աշխարհահռչակ բրիտանացի տեսաբան-ֆիզիկոս Սթիվեն Հոքինգը, որը չորեքշաբթի մահացել է 76-րդ տարեկան հասակում, մեծ ավանդ է ունեցել գիտություն զարգացման և, հատկապես, տիեզերքի ուսումնասիրության գործում: Այս մասին գրում է Business Insider-ը՝ ներկայացնելով գիտնականի իմաստուն մտքերը տարբեր թեմաների շուրջ:

1.    Հաշմանդամության մասին

Իմ խորհուրդը մյուս հաշմանդամ ունեցող մարդկանց՝ կենտրոնանան այն բաների վրա, որոնց կատարմանը հաշմանդամությունը չի խոչընդոտում, իսկ մյուս բաները կարևոր չեն: Հոգով հաշմանդամ չլինելը նույնքան կարևոր է, որքան և ֆիզիկապես:

2.    Առաջնահերթությունների մասին

Իմ նպատակը պարզ է: Այն է՝ տիեզերքն ամբողջությամբ հասկանալը, թե ինչու այն գոյություն ունի և ինչու է այնպիսին, ինչպիսին, որ կա:

3.    Ազատ կամքի մասին

Ես նկատել եմ, որ նույնիսկ այն մարդիկ, որոնք պնդում են, որ ամեն ինչ կանխորոշված է ի վերուստ և ոչինչ չեն կարող անել ինչ-որ բան փոխելու համար, նայում են՝ ճանապարհն անցնելուց առաջ:

4.    Հումորի մասին

Կյանքը ողբերգական կլիներ, եթե զվարճալի չլիներ:

5.    Իր IQ-ի մասին

Ես գաղափար չունեմ: Մարդիկ, ովքեր պարծենում են իրենց IQ-ով, պարտվողներ են:

6.    Ինչի մասին, որ մտածում է ողջ օրը

Կանայք: Նրանք ամբողջությամբ առեղծված են:

7.    Նրա խորհուրդն իր երեք երեխային

Առաջին՝ հիշեք, որ պետք է նայեք աստղերին և ոչ թե ձեր ոտքերին: Երկրորդ՝երբեք մի դադարեք աշխատելուց: Աշխատանքը նպատակ և իմաստ է տալիս կյանքին, և կյանքը դատարկ է առանց դրա: Երրորդ՝ եթե դուք այնքան երջանիկ լինեք, որ գտնեք ձեր սերը, հիշեք, որ դա է ձերը և այն չվանեք ձեզնից:

8.    Այլմոլորակայինների մասին

Եթե այլմոլորակայիններն այցելեն մեզ, արդյունքը կլինի նման նրան, երբ Կոլումբոսը ժամանեց Ամերիկա, ինչը լավ ավարտ չունեցավ բնիկ ամերիկացիների համար:

9.    Իր առողջության մասին

Երբ ինձ մոտ ամիոտրոֆիկ կողմնային սկլերոզ ախտորոշվեց, ինձ երկու տարի էին տվել ապրելու: Այժմ 45 տարի է անցել, և ես լավ եմ ինձ զգում:

10. Աստծո մասին

Աստված կարող է գոյություն ունենալ, բայց գիտությունը կարող է բացատրել տիեզերքի գոյությունն առանց արարչի կարիքի: