Եղանակն՝ այսօր
Uber-ի ինքնագնաց ավտոմեքենան առաջին անգամ մահացու վրաերթ է իրականացրել
00:00 • 20.03.18
Ամերիկյան Uber միջազգային տաքսի ծառայության ավտոմեքենան, գտնվելով ինքնագնաց ռեժիմում, անցորդի է վրաերթի ենթարկել:
Ինչպես հայտնում է The New York Times-ը, միջադեպը տեղի է ունեցել մարտի 19-ի առավոտյան Արիզոնա նահանգի Ֆինիքս քաղաքի արվարձանում:
Uber-ի մեքենան վրաերթի է ենթարկել ոչ հետիոտնի համար նախատեսված գոտով ճանապարհն անցնող կնոջը: Մեքենայի ղեկին վարորդ է գտնվել, սակայն մեքենան ընթանալիս է եղել ինքնուրույն՝ ավտոպիլոտ համակարգով:
Տուժած կինը հիվանդանոցում մահացել է: Նրա ինքնությունը չի բացահայտվում:
Նշվում է, որ սա առաջին հայտնի դեպքն է, երբ ճանապարհին ողբերգական ելքով վթար է տեղի ունենում՝ ինքնագնաց մեքենայի մասնակցությամբ:
Placeholder
Studio One