Facebook-ը ծանոթությունների ծառայություն կգործարկի

Շուտով աշխարհի խոշորագույն սոցցանցը՝ Facebook-ը, ծանոթությունների ծառայություն կունենա: Այս մասին հայտնել է  սոցցանցի հիմնադիր-ղեկավար Մարկ Ցուկերբերգը, հաղորդում է english.alarabiya.net-ը:

«Ծառայությունը նախատեսված կլինի իրական, երկարատև հարաբերությունների, այլ ոչ թե անլուրջ կապերի համար»,-ասել է Ցուկերբերգը՝ ելույթ ունենալով Facebook-ի ամենամյա համաժողովի ժամանակ:

Հիշեցնենք, որ Facebook-ն աշխարհի խոշորագույն սոցցանցն է, որն ունի 2.2 մլրդ օգտատեր:

Վերջերս ընկերությունը հայտնվել էր լուրջ սկանդալի կիզակետում՝ միլիոնավոր օգտատերերի անձնական տվյալներն առանց նրանց իմացության բրիտանական Cambridge Analytica վերլուծական ընկերությանը փոխանցելու համար: