Համացանցում հրապարակվել են Volkswagen-ի նոր ամենագնացի լուսանկարները (լուսանկարներ)
Չինական Autohome կայքում հրապարակվել են Volkswagen մեքենաշինական ընկերության նոր կոմպակտ ամենագնացի լուսանկարները։
Ինչպես նշում է Motor.ru-ն, նորույթը կանվանվի Tharu՝ Հնդկաստանում և Նեպալում բնակվող թհարու ժողովրդի պատվին։
Աղբյուրի հաղորդմամբ՝ Volkswagen բրենդի ղեկավար Հերբերտ Դիսը «ազգային ամենագնաց» է անվանել նոր մոդելը։ Նրա խոսքով՝ նորույթը կպատրաստվի MQB մոդուլային հարթակի վրա։
Volkswagen ընկերության ներկայացուցիչների պնդմամբ՝ աշխարհում տարեկան կվաճառվի մոտ 400 հազար Tharu: Առաջինը նորույթը վաճառքի կհանվի Չինաստանում՝ օգոստոսին, իսկ մինչև 2020 թվականն այն կհասնի Մեքսիկա, Ռուսաստան, Արգենտինա և այլ երկրներ։













