Ամերիկացին Lotus մակնիշի մեքենան V10 շարժիչով սուպերքարի է վերածել (լուսանկարներ)

Ամերիկացի ինժեներ Դասթին Էնթոնին ավարտել է Lotus Elise կուպեի թյունինգային տարբերակի կառուցումը:

Ինչպես փոխանցում է Motor.ru-ն, V10 շարժիչով սուպերքարի ստեղծման համար ամերիկացին 3 տարի է ծախսել, իսկ մեքենայի կառուցումն արժեցել է 72 000 դոլար:

Նորաստեղծ մեքենայի հիմքում ընկած է 2006 թվականի արտադրության Elise մոդելի մեքենան: Որպես ուժային համակարգ ընտրվել է BMW M5 մակնիշի 5 լիտր աշխատանքային ծավալով V10 շարժիչը:

Էնթոնիի ստեղծագործությունն արտաքինից նման է Hennessey Venom GT սուպերքարին, որը նույնպես կառուցվել է Lotus Elise-ի հիման վրա: