Չինաստանում երկու անիվով ավտոմեքենա-մոտոցիկլ է թողարկվել (լուսանկարներ)

Չինական Beijing Lingyun Intelligent Technology Co. ստարտափը ինքնակառավարվող հավասարակշռման համակարգով երկու անիվով ավտոմեքենա է փորձարկում: Այս մասին հայտնում է Bloomberg գործակալությունը:

Նշվում է, որ Lingyun 1703 կոչվող ավտոմեքենան աշխատում է էլեկտրաքարշակ համակարգով: Այն զրկված է ղեկից ու ոտնակներից. սա ինքնավար փոխադրամիջոց է:

Հատկանշական է, որ նորույթը հիշեցնում է ավտոմեքենա ու մոտոցիկլ. այն ամբողջությամբ փակ թափք ունի, ինչպես նաև՝ երկու կողային դուռ և երկու անիվ:

Աղբյուրի հաղորդմամբ՝ ավտոմեքենայի երկարությունը երեք մետր է, լայնությունը՝ մեկ մետր:

Lingyun 1703-ը կարող է մինչև 100 կմ/ժ արագություն զարգացնել ու մոտ հարյուր կմ անցնել մարտկոցի մեկ լիցքավորումով: