Մեծ Բրիտանիայում աճուրդի կհանվի վերջին սերիական Bugatti Veyron Super Sport մոդելը

Բրիտանական Գուդվուդում հուլիսի կեսերին անցկացվելիք արագության փառատոնի ժամանակ Bonhams աճուրդի տունը վաճառքի կհանի վերջին սերիական Bugatti Veyron Super Sport մոդելը:

Ինչպես ներկայացնում է Motor.ru-ն, ավտոմեքենայի համար նախատեսվում է շուրջ 1.7-1.8 մլն ֆունտ ստերլինգի ստանալ: Սուպերքարը ներկայանում է սև անփայլ գույնով, իսկ սրահը պատված է կարմիր կաշվով: Մեքենայի վազքը կազմում է 885 կմ:

Ավտոմեքենան մեկ տեր է ունեցել, որն այն վարել է Մեծ Բրիտանիայում: Ընդհանուր առմամբ, Veyron Super Sport մոդելը թողարկվել է 30 օրինակով, և տվյալ մեքենան վերջինն է այդ շարքում:

Մեքենան համալրված է 8 լիտր ծավալային W16 շարժիչով, որը 1200 ձիաուժ հզորություն է զարգացնում: 2010 թվականին Super Sport մոդելը արագության ռեկորդ է սահմանել է 431 կմ/ժամ: