Mitsubishi-ն թարմացրել է Pajero ամենագնացը (լուսանկարներ)

00:00 • 03.07.18

Չինաստանում Mitsubishi Pajero ամենագնացը հերթական թարմացմանն է ենթարկվել: Այս մասին հայտնում է Autohome պորտալը:

Նշվում է, որ լուրջ արդիականացում չի իրականացվել. բոլոր փոփոխությունները կոսմետիկ բնույթ են կրում:

Աղբյուրը մանրամասնում է, որ նորույթն առանձնանում է ռադիատորի նոր վանդակաճաղով և հետևի լապտերների արծաթագույն ծածկույթով:

Նշվում է, որ ավտոմեքենայի ինտերիերն անփոփոխ է մնացել, իսկ միակ նորույթը հեռախոսի անլար լիցքավորման հնարավորությունն է:

Հայտնի է, որ չորրորդ սերնդի Mitsubishi Pajero-ն թողարկվում է 2006 թվականից: Ընդ որում, ավտոմեքենան երրորդ սերնդի մոդելի արդիականացված տարբերակն է: Վերջինս սկսել է թողարկվել 1999 թվականին: