Ռուսաստանն ու Չինաստանը համատեղ տիեզերակայան կկառուցեն, որը կփոխարինի Միջազգային տիեզերակայանին

Ուղեծրում նոր տիեզերակայան կառուցելուց բացի Ռուսաստանն ու Չինաստանը քննարկում են Լուսնին մոտ գտնվող ուղեծրային համալիր կառուցելու հավանականությունը:

Ինչպես հաղորդում է Life.ru-ն, չինական պատվիրակությունը բանակցություններ կվարի «Ռոսկոսմոսի» հետ տիեզերակայան ստեղծելու մասին, որը կփոխարինի Միջազգային տիեզերակայանին: Նախատեսվում է, որ կքննարկվեն նաև այլ միջազգային նախագծերի հեռանկարները: 

Ինչպես նշվում է, Չինաստանի հետաքրքրվածությունը ռուսական տեխնոլոգիաների նկատմամբ պայմանավորվում է սեփական հուսալի միջոցների բացակայությամբ:

Ավելի վաղ հայտնի էր դարձել լուսնային ծրագրի ուսումնասիրության զգալի ընդլայնման և Չինաստանի հետ համատեղ Lunar Orbital Platform – Gateway լուսնամերձ ուղեծրային կայանի ստեղծման մտադրության մասին: