BMW X5 M-ը թյունինգի արդյունքում վերածվել է 670 ձիաուժ հզորությամբ սուպերքարի (լուսանկարներ)

15:10 • 24.07.18

Մեքենաների թյունինգավորմամբ զբաղվող Auto-Dynamics լեհական ատելյեն կատարելագործել է BMW X5 M մոդելը, ինչից հետո քրոսովերը վերածվել է 670 ձիաուժ հզորությամբ սուպերքարի:

Ինչպես նշում է motor.ru-ն, թյունինգավորումից հետո մեքենան դարձել է 650 ձիաուժ հզորությամբ Lamborghini Urus մոդելից առավել արագընթաց:

Այն համալրված է 4.4 լ աշխատանքային ծավալով շարժիչով, որը 0-100 կմ/ժ արագություն է զարգացնում 3.5 վայրկյանում: Մինչդեռ մեքենայի օրիգինալ մոդելը նույն արագությունը զարգացնում է 4.2 վայրկյանում:

Նշվում է, որ թյունինգավորումից հետո մեքենան ստացել է BMW X5 M Avalanche անվանումը:

Նոր սերնդի BMW X5 M-ը կներկայացվի 2019թ. վերջին: