Ինչպես են մոլորակի ամենատարբեր անկյուններից երևացել Լուսնի՝ դարի ամենաերկար խավարումն ու «արյունոտ լուսինը» (լուսանկարներ, տեսանյութեր)

Հուլիսի 27-ի լույս 28-ի գիշերը տեղի է ունեցել Երկրի բնական արբանյակի` դարի ամենաերկարատև խավարումը: Լուսնի ամբողջական խավարումը տևել է 1 ժամ, 43 րոպե: Լուսինն անցել է Երկրի ստվերի կենտրոնով՝ դրա ամենալայն հատվածում: Հենց այդ անցման ժամանակ էլ տեղի է ունեցել ամբողջական խավարումը: 

Բացի այդ, նկատվել է «արյունոտ լուսին» բնական երևույթը, որի ժամանակ արբանյակը երևացել է մի քանի անգամ ավելի մեծ ու առանձնացել դարչնագույն երանգով:

Սակայն տիեզերքի դիտարժան շոուն այդքանով չի ավարտվել. երկնակամարում երևացել է Մարս մոլորակը, քանի որ այն 2003 թվականից ի վեր կգտնվում է Երկրից ամենամոտ հեռավորության վրա:

«Կարմիր մոլորակը» երևացել է մեծ, պայծառ աստղի տեսքով: Բացի այդ, մարդիկ հնարավորություն են ունեցել ավելի պարզ տեսնել Վեներան, Յուպիտերն ու Սատուրնը:

Նշվում է, որ Լուսնի ամբողջական խավարումը տեսանելի է եղել մոլորակի բոլոր անկյուններից՝ բացի Հյուսիսային Ամերիկայից:

Լավագույն տեսարանները կարողացել են  վայելել Արևելյան Եվրոպայի, Կենտրոնական ու Արևելյան Աֆրիկայի, Հարավ-արևելյան Ասիայի բնակիչները: