Նոր iPhone X Plus-ը կունենա 2 SIM քարտ օգտագործելու հնարավորություն. The Verge

16:34 • 01.08.18

Ամերիկյան Apple տեխնոլոգիական ընկերությունը պատրաստվում է սեպտեմբերին ներկայացնել iPhone սմարթֆոնի միանգամից 3 մոդել՝ այդ թվում նաև iPhone X Plus-ը, որը կունենա 6.5 դյույմ անկյունագծով OLED էկրան, ինչպես նաև 2 SIM քարտ օգտագործելու հնարավորություն:

Այս մասին գրում է The Verge-ը՝ հավելելով, որ հեռախոսը գործելու է iOS 12 օպերացիոն համակարգով, որն օրերս է թարմացվել ու dual-SIM ռեժիմով գործելու հնարավորություն ստացել:

Հավելենք, որ սեպտեմբերին iPhone X Plus-ից զատ ներկայացվելու են 6.1 դյույմ անկյունագծով LCD էկրանով, 5.8 դյույմ անկյունագծով մյուս մոդելները:

Ավելի վաղ համացանց էին արտահոսել 6.5 և 6.1 դյույմ անկյունագծերով նոր iPhone-ների առաջին լուսանկարները: Դրանք իր թվիթերյան միկրոբլոգում հրապարակել էր Բեն Գեսկինը, որը վստահելի աղբյուր է, քանի որ նախկինում էլ նախքան Apple-ի այս կամ այն արտադրանքի շնորհանդեսը դրա իրական լուսանկարներն է հրապարակել:

Speculation has been building that Apple will release three new iPhones in the fall - a 5.8-inch model, 6.1-inch iPhone and a super-sized 6.5-inch 'XL' version In the photos, the 6.1-inch model can be seen as having a single-lens rear camera

The dummy models (pictured) were constructed based on leaked design schematics and could be very similar to what the yet-to-be-released phones actually look like