Օգտատերերը հայտնել են Twitter-ի աշխատանքում խափանումների մասին

Ամբողջ աշխարհից օգտատերերը հայտնել են Twitter սոցցանցի աշխատանքում խափանումների մասին։ Այդ մասին են վկայում հայտնի ինտերնետային ռեսուրսների աշխատանքին հետևող Downdetector ծառայության տվյալները, գրում է «ՌԻԱ Նովոստի» գործակալությունը։ 

Հստակեցվում է, որ Twitter-ի աշխատանքում խափանումները սկսվել են երևանյան ժամանակով շաբաթ՝ ժամը 6.40-ի սահմաններում։

Սոցցանցում խափանումների մասին են հայտնել Ռուսաստանի, ԱՄՆ-ի, Բրազիլիայի, Արգենտինայի, Մեծ Բրիտանիայի, Ֆրանսիայի, Իսպանիայի, Նիդեռլանդների, Ճապոնիայի և այլ երկրների օգտատերերը։