Hyundai-ը հրապարակել է ջրածնային բեռնատարի առաջին լուսանկարը (լուսանկար)

Հարավկորեական Hyundai մեքենաշինական ընկերությունը հրապարակել է բեռնատարի առաջին լուսանկարը, որը համալրված է ջրածնային վառելիքային տարրերով աշխատող էլեկտրական ուժային համակարգով:

Motor.ru-ի տվյալների համաձայն՝ նորույթը եվրոպական շուկայում կներկայացվի արդեն հաջորդ տարի:

Աղբյուրը մանրամասնում է, որ Hyundai-ը խոսել է բեռնատարի թողարկման պլանների մասին գերմանական Հանովեր քաղաքում կայացած Կոմերցիոն տրանսպորտի միջազգային ցուցահանդեսի ժամանակ:

Միջոցառման ընթացքում արտադրողը խոստացել է հաջորդ տարի բացահայտել ավտոմեքենայի բոլոր տեխնիկական բնութագրերը:

Այժմ հայտնի է միայն, որ նորույթն արտաքնապես կտարբերվի Hyundai-ի կոմերցիոն տրանսպորտի մյուս մոդելներից: