Չինաստանում հաքերը վաճառքի է հանել հյուրանոցների 130 մլն այցելուի անձնական տվյալները

Չինաստանում հաքերը կոտրել է տեղական ընկերության տվյալների բազան ու վաճառքի է հանել նրանց կողմից սպասարկվող մի շարք հյուրանոցների այցելուների անձնական տվյալները՝ ընդհանուր 130 մլն այցելուի տվյալ, հաղորդում է АТОР-ը։

Հաքերը 8 բիթքոին (56.000 ԱՄՆ դոլար) է պահանջում ձեռք բերած 141,5 ԳԲ ծավալով արխիվի համար, որում առկա է 240 մլն գրառում ընկերության հաճախորդների մասին։

Նշենք, որ Huazhu ընկերությունը ղեկավարում է 13 հյուրանոցային բրենդ, ինչը, ընդհանուր առմամբ, կազմում է 5.162 հյուրանոց՝ Չինաստանի 1.191 քաղաքներում։

Հաքերը վաճառքի ընթացքում առաջարկում է իր թիրախում հայտնված հյուրերի բոլոր հիմնական անձնական տվյալները՝ սկսած ID քարտի համարից մինչև հեռախոսահամար ու անգամ՝ էլեկտրոնային հասցեի գաղտնաբառ։ Նշված են նաև նրանց հյուրանոցների հասցեները, սենյակի համարն ու այնտեղ մնալու ժամկետները։