Եղանակն՝ այսօր
Գեղեցկուհու ծնունդը. ֆոտոխցիկը ֆիքսել է թիթեռի զարգացման զարմանալի ընթացքը (տեսանյութ)
Բրիտանական Daily Mail պարբերականը հրապարակել է ուշագրավ տեսանյութ, որը բացահայտում է թագավորական թիթեռի՝ հարսնյակից լիարժեք միջատ դառնալու դիտարժան գործընթացը:
Նշվում է, որ տեսանյութը բաղկացած է համապատասխան լուսանկարներից, որոնք ցուցադրվում են ճիշտ հաջորդականությամբ: Լուսանկարների հեղինակը նյույորքցի Քեն Ռոհլինգն է:
«Սա պարզապես բնության հրաշք է. հանկարծակի հարսնյակից հայտնվում է գեղեցիկ թիթեռ»,-նշել է նա: Հայտնի է, որ թիթեռը զարգանում է չորս փուլով՝ ձու, թրթուր, հարսնյակ և թիթեռ:
Ամեն տարի թագավորական թիթեռները հազարավոր կիլոմետրեր են հաղթահարում՝ ԱՄՆ-ից ու Կանադայից Մեքսիկայի կենտրոնական հատվածում գտնվող անտառներ հասնելու համար: Նրանք օգտագործում են իրենց մեծ աչքերը երկնքում Արևի դիրքին հետևելու և ըստ այդմ ճանապարհի ճիշտ ուղղությունն ընտրելու համար:
Հայտնի է, որ Հյուսիսային Ամերիկայից Մեքսիկա հասնելու համար հարկավոր է թագավորական թիթեռների վեց սերունդ, քանի որ այս միջատների կյանքի տևողությունը շատ կարճ է:
Տեսանյութը կարող եք դիտել այստեղ:
Studio One