Եղանակն՝ այսօր
Մարսի վրա հրթիռային վառելիքի պատրաստման համար անհրաժեշտ նյութերի հսկայական պաշարներ են հայտնաբերվել
Վաշինգտոնի համալսարանի գիտնականները պարզել են, որ Մարսի մակերևույթին կան հսկայական քանակությամբ քիմիական տարրեր, որոնք Երկրի վրա օգտագործվում են հրթիռային վառելիքի պատրաստման համար:
Ինչպես գրում է Science ամսագիրը, Մարսի հողում պարունակվող պերքլորական թթվի եթերները կարելի է վերամշակել ու օգտագործել որակյալ հրթիռային վառելիք պատրաստելու համար:
Գիտնականները հատուկ գիտափորձի ընթացքում վերստեղծել են Մարսի մթնոլորտն ու նկատել, որ ազոտի, թթվածնի ու արգոնի խառնուրդի քայքայումից առաջանում են պերքլորատներ, որոնք էլ կարելի է կիրառել վառելիքի ստեղծման համար:
Ավելի վաղ ամերիկացի աստղաֆիզիկներն ու քիմիկոսներն արդեն նշել են, որ հրթիռային վառելիքի պատրաստման համար ամեն անհրաժեշտ բան Մարսի վրա կարելի է ստանալ մոլորակի մթնոլորտից: Բացի այդ, ՆԱՍԱ-ի գիտնականները նշում են, որ հրթիռային վառելիքի պատրաստման գործարանը կարելի է կառուցել անմիջապես Լուսնի վրա:
Studio One