Եղանակն՝ այսօր
Չինաստանում ամուսնացած տղամարդուն և նրա սիրուհուն մերկացրել են և կապկպել ծառին (տեսանյութ)
Չինական Գույչժոու նահանգում դավաճանության համար ամուսնացած տղամարդուն և նրա սիրուհուն մերկացրել են և կապկպել ծառին, գրում է Daily Mail-ը՝ ներկայացնելով համապատասխան տեսանյութը:
Մերկ զույգի մոտ ամբոխ է հավաքվել: Դեպքի վայրում գտնվող ոստիկանը փորձել է հանգստացնել մարդկանց, սակայն ոչինչ չի ձեռնարկել կապկպվածներին ազատ արձակելու համար:
Ականատեսներից մեկը տեղի ունեցածը տեսանկարել է ու հոլովակը հրապարակել սոցցանցում:
Հավաքվածների համաձայն՝ տղամարդը դավաճանել է իր կնոջը և «բռնվել» դեպքի վայրում: Ոստիկանությունում նշել են, որ տեղի ունեցածը հաջորդել է տղամարդու կնոջ «չափազանց բուռն արձագանքին»: Թե ով, երբ և ինչպես է կապկպել նրանց ծառին՝ չի հաղորդվում:
Ոստիկանության հաղորդագրության համաձայն՝ դեպքի վայր մեկնած իրավապահները կապանքներից ազատ են արձակել կնոջը և հագուստ տվել նրան: Տղամարդու ճակատագրի մասին ոչինչ չի նշվում:
Սկսվել է հետաքննություն:
Studio One