Չինաստանում ոգեկոչել են կորոնավիրուսի համաճարակի մասին առաջինն ահազանգած բժշկի հիշատակը՝ նրա մահվան տարելիցին ընդառաջ
Չինաստանում մահվանից մեկ տարի անց հարգանքի տուրք են մատուցել բժշկին, որն առաջինն էր ահազանգել երկրում կորոնավիրուսի համաճարակի բռնկման մասին:
Ինչպես հաղորդում է BBC News-ը, Ուհանում «Covid-19»-ից մահացած Լի Վենլյանի հիշատակը ոգեկոչել են սոցցանցում: Հազարավոր մարդիկ են միացել բժշկի հիշատակի ոգեկոչմանը՝ նրա մահվան առաջին տարելիցին`փետրվարի 7-ին ընդառաջ:
Վերջինս կորոնավիրուսով վարակվել էր Ուհանում հիվանդներին բուժելիս: Նախքան այդ, Լին փորձել էր նախազգուշացնել իր գործընկերներին տարածվող հիվանդության մասին, սակայն ոստիկանությունից նրան զգուշացրել էին «դադարել կեղծ լուրեր տարածել»: Վերջինս անգամ կալանավորվել էր:
Լին ակնաբույժ էր, որն աշխատում էր վիրուսի տարածման կենտրոն հանդիսացող Ուհանի հիվանդանոցում:
Այժմ ողջ աշխարհում կորոնավիրուսով վարակվածների թիվը գերազանցել է 105 մլն-ը, իսկ վիրուսի հետևանքով մահացածներինը՝ 2,3 մլն-ը:










