Ռուսաստանյան բուհերում ուսումնական գործընթացը առկա եղանակով կվերսկսվի փետրվարի 7-ից. ТАСС
ՌԴ կրթության և գիտության նախարարության որոշմամբ՝ ռուսաստանյան բուհերը փետրվարի 7-ից ուսումնական գործընթացը կվերսկսեն ոչ հեռավար եղանակով՝ հաշվի առնելով երկրում կորոնավիրուսի տարածման առանձնահատկությունները, հաղորդում է ТАСС-ը:
Կորոնավիրուսի համավարակի պատճառով ուսումնական գործընթացը Ռուսաստանում սկսել էին կազմակերպել հեռավար:
Այն բուհերը, որոնք չեն գտնվում ՌԴ կրթության և գիտության նախարարության վերահսկողության ներքո, խորհուրդ է տրվել ևս վերադառնալ ուսուցման առկա եղանակին:
Դասերի անցկացման ընթացքում ուսումնական հաստատություններում պետք է վարակի տարածման կանխարգելիչ աշխատանքներ իրականացվեն, մասնավորապես՝ սանիտարահիգիենիկ պայմանների պահպանումը, պարբերական ախտահանման իրականացումը, սոցիալական հեռավորության պահպանումը և այլն:










