Երկու արաբական պետություն դիմել է իրանական COVIRAN BAREKAT պատվաստանյութ գնելու համար

12:34 • 08.02.21

Երկու արաբական երկրի դեղագործական ընկերություններ դիմել են կորոնավիրուսի դեմ իրանական «ԿովԻրան Բարեքաթ» պատվաստանյութ գնելու համար, հայտնում է Tehran Times-ը:

«Աստծո կամոք կլինիկական փորձարկումների հաջող ավարտից հետո, կքննարկվի պատվաստանյութի արտահանման հարցը, միայն եթե այն լիովին համապատասխանի ներքին շուկայի կարիքներին», - իր թվիթերյան հաշվում գրել է Իրանի հոգևոր առաջնորդ Ալի Խամենեիի անմիջական կառավարման ներքո գտնվող  Execution of Imam Khomeini's Order կազմակերպության գլխամասային գրասենյակի տեղեկատվական կենտրոնի ղեկավար Հոջաթ Նիքի-Մալեքին: Այնուամենայնիվ, Նիքի-Մալեքին երկրների վերաբերյալ այլ տվյալներ չի հաղորդել:

Հունվարի 10-ին Իրանի պետական հեռուստառադիոընկերությունը հաղորդել է, որ Շվեյցարիայի առողջապահության նախարարությունը, կորոնավիրուսի դեմ պատվաստանյութ գնելու նպատակով, բանակցություններ է վարում քսան երկրի, ներառյալ Իրանի հետ, և այդ առթիվ «հատուկ կապեր» են հաստատվել:

«Մենք լավ հարաբերություններ ունենք Իրանի առողջապահության ոլորտի հետ: Իրանում առողջապահական հաստատությունները լավ կազմակերպված են և լիովին հագեցած կլինիկական հետազոտությունների և տվյալների հավաքագրման մեխանիզմներով», - նշել է Շվեյցարիայի Հասարակական առողջության դաշնային գրասենյակի գլխավոր տնօրենի տեղակալ Նորա Կրոնիգը ր հավելել, որ իրանական հինգ հաստատություններ Առողջապահության համաշխարհային կազմակերպության պատվաստանյութի թեկնածուների ցուցակում են:

Իրանի սննդամթերքի և առողջապահության վարչության մամուլի խոսնակ Քիանուշ Ջահանփուրը հունվարի 10-ին ասել է, որ համավարակի տարածման սկզբից ի վեր 16 իրանական ընկերություններ աշխատում են կորոնավիրուսի դեմ պատվաստանյութերի արտադրության ուղղությամբ, և մինչ այժմ պատվաստանյութ արտադրելու համար դիմել է 12 ընկերություն, որոնցից 8-ն արդեն գործում են:  Ընկերություններից մեկն անցել է փորձարկման փուլին, և ևս երկու ընկերություն շուտով կսկսեն փորձարկումները:

Իրանի հոգևոր առաջնորդ Ալի Խամենեիի անմիջական կառավարման ներքո գտնվող  Execution of Imam Khomeini's Order կազմակերպության կողմից պատրաստված իրանական առաջին «ԿովԻրան Բարեքաթ» պատվաստանյութը ցուցադրվել և ներարկվել է երեք կամավորների` 2020 թվականի դեկտեմբերի 29-ին կայացած արարողության ժամանակ: Կազմակերպութան ղեկավար Մոհամադ Մոխբերը հունվարի 19-ին ասել է, որ հաջորդ ամսվա ընթացքում ամսական կարտադրվի 2-4 միլիոն պատվաստանյութ, որը շուտով կհասնի մինչև 4-24 միլիոն չափաբաժնի: