«Ջոկեր» ֆիլմի երկրպագուն սպանության փորձի համար 16 տարվա ազատազրկման է դատապարտվել (լուսանկարներ)

09:57 • 09.02.21

Մեծ Բրիտանիայում դատարանը 16 տարվա ազատազրկման է դատապարտել հոլիվուդյան «Ջոկեր» հոգեբանական թրիլլերի երկրպագուին, որը հարյուրավոր հանցագործություններ է կատարել, այդ թվում՝ մահափորձ, հաղորդում է բրիտանական Independent թերթը։

Նշվում է, որ Նոթինգեմի 31-ամյա բնակիչ Դեմիեն Համոնդը հաճախ է փողոցներում շրջում Ջոքերի կերպարով։

Վերջինս ձերբակալվել է այն ժամանակ, երբ իր բնակարանի պատուհանից ջինսի մեջ փաթաթված բոուլինգի գնդակ է նետել քաղաքի հանրային ծառայության աշխատակցի գլխին, որը փորձել է տեղափոխել դեն նետված հեռուստացույցը։ Համոնդի խոսքով՝ ինքն է ցանկացել վերցնել այն։

Արդյունքում աշխատակիցը գանգի կոտրվածք է ստացել, ինչն էլ գլխուղեղի արյունազեղման պատճառ է դարձել։

Ձերբակալության ժամանակ Համոնդը երկու ժամ ոստիկաններին թույլ չի տվել մտնել բնակարան, ապա հրկիզել է իրեն և նետվել պատուհանից։ Նրան ձերբակալել են փողոցում։

Պարբերականի տվյալներով՝ չարագործը հոգեբանական խանգարումներ ունի և կատարել է 100-ից ավելի այլ հանցագործություններ։

Նշենք, որ «Ջոկերը» դարձել է պատմության մեջ առաջին ֆիլմը, որի հասույթը համաշխարհային վարձույթում գերազանցել է 800 մլն դոլարը:

Խոակին Ֆենիքսի գլխավոր դերակատարմամբ ֆիլմը պատմում է Ջոկերի՝ Բեթմեն սուպերհերոսի գլխավոր թշնամու պատմությունը։ Ֆիլմի իրադարձությունները տեղի են ունենում 1980-ականներին:

Ֆիլմը համաշխարհային վարձույթում է հայտնվել 2019-ի հոկտեմբերի 4-ից։

Image result for ‘Joker’ of Nottingham jailed after dropping bowling ball on council worker’s headImage result for ‘Joker’ of Nottingham jailed after dropping bowling ball on council worker’s headImage result for ‘Joker’ of Nottingham jailed after dropping bowling ball on council worker’s head