260,8 մլն դոլար. Ադրբեջանը 2020-ին կտրուկ մեծացրել է թուրքական զենքի ներկրման ծավալը

13:29 • 09.02.21

Անցյալ տարի Ադրբեջանը Թուրքիայից 260,8 միլիոն դոլարի պաշտպանական և ավիացիոն արտադրանք է ներմուծել, ինչը 194%-ով գերազանցում է 2019 թվականի ցուցանիշը: Այս մասին տեղեկացնում է minval.az կայքը:

2019 թվականին Ադրբեջանը Թուրքիայից ներմուծել էր 88,6 միլիոն դոլար  արժողությամբ պաշտպանական և ավիացիոն արդյունաբերության ապրանքներ:

Թուրքիայից զենքի ներմուծման առաջատարը 2020 թվականին եղել է ԱՄՆ-ն, որը թուրքական զենքի վրա ծախսել է 784,2 միլիոն դոլար: