«Թալիբան»-ի ներկայացուցիչները լքել են Աֆղանստանի ազգային հաշտեցման խորհրդի բանակցությունները
Աֆղանստանի ազգային հաշտեցման խորհրդի նախագահ Աբդուլլահ Աբդուլլահն ասել է, որ «Թալիբան» շարժման ներկայացուցիչները լքել են՝ երկրում իրավիճակի կարգավորման վերաբերյալ Կատարի մայրաքաղաք Դոհայում ընթացող բանակցությունները, հայտնում է «ՌԻԱ Նովոստի» լրատվական գործակալությունը:
Հունվարին «Թալիբան» շարժման մամուլի խոսնակ Զաբիուլլահ Մոջահիդը նշել էր, որ եթե ԱՄՆ-ն շարունակի օդային հարվածներ հասցնել Աֆղանստանին, գործողությունը կդիտարկվի որպես Դոհայի խաղաղության համաձայնագրի կանխամտածված խախտում և շեշտել, որ ամերիկյան կողմին «ամենայն լրջությամբ» ասել են, որ իրենք «պետք է վերահսկեն հարվածները»:
««Թալիբան»-ը դուրս եկավ բանակցությունների սեղանից, իսկ մնացածները չեն կարող նպաստել խաղաղ երկխոսությանը», - ասել է Աֆղանստանի ազգային հաշտեցման խորհրդի նախագահ:
Ավելի քան 18 տարի տևած պատերազմի ընթացքում առաջին խաղաղ համաձայնագիրը ստորագրվել է 2020 թվականի փետրվարի վերջին Միացյալ Նահանգների և «Թալիբան» շարժման միջև` Կատարում կայացած արարողության ժամանակ: Դրանով նախատեսվում է 14 ամսվա ընթացքում երկրից դուրս բերել օտարերկրյա զորքերը և գերիների փոխանակումից հետո միջաֆղանական երկխոսություն սկսել:
Ավելի վաղ Sputnik ռադիոն հայտնել էր, որ Միացյալ Նահանգները չի բացառում, որ Բալիդենի օրոք «Թալիբան»-ի հետ ստորագրված պայմանագրերը կարող են վերանայվել:










