Ճապոնիայում համապատասխան ներարկիչներ չունենալու պատճառով հրաժարվում են Pfizer պատվաստանյութի 144 մլն չափաբաժնից

14:42 • 11.02.21

Ճապոնիայում որոշել են հրաժարվել Pfizer ընկերության կողմից արտադրված հակակորոնավիրուսային պատվաստանյութի մոտ 144 միլիոն դեղաչափերից՝ համապատասխան ներարկիչներ չունենալու պատճառով, գրում է The Guardian-ը:

Երկիրը ձեռք էր բերել մեծ քանակությամբ հակակորոնավիրուսային պատվաստանյութի դեղաչափեր, որոնք նախատեսված են եղել ավելի քան 72 միլիոն քաղաքացու համար:

Նշվում է՝ Pfizer պատվաստանյութի օգտագործման համար անհրաժեշտ են հատուկ ներարկիչներ, որոնք հայտնի են «անօդ տարածությամբ ներարկիչ» (dead space syringe) անունով: Այս ներարկիչներն, ի տարբերություն սովորականների, ավելի նեղ մխողներ ունեն, որոնց շնորհիվ ներարկչից դուրս է մղվում պատվաստանյութը: 

Հիշեցնենք՝ ավելի վաղ Ճապոնիայի առողջապահության նախարարությանը հայտարարել էր, որ երկիրը համաձայնել է Pfizer ընկերության ավելի քան 140 միլիոն, բրիտանական AstraZeneca-ի 120 միլիոն և ամերիկյան Moderna Inc. ընկերության 50 միլիոն դեղաչափ պատվաստանյութ գնել: 

Միևնույն ժամանակ, երկրի վարչապետ Յոսիհիդե Սուգան հայտարարել էր, որ հաջորդ շաբաթվա կեսերից երկիրը կսկսի COVID-19-ի դեմ պատվաստումները:

Համավարակից ի վեր՝ ասիական երկրում հայտնաբերվել է կորոնավիրուսով հիցանդացության 406 766 դեպք, որի պատճառով մահացել է 6476 մարդ: