Մելբուռնում կրկին «լոքդաուն» է հայտարարվել

11:10 • 12.02.21

Ավստրալիայի երկրորդ ամենաշատ բնակեցված քաղաքում՝ Մելբուռնում,  կրկին «լոքդաուն» է հայտարարվել կորոնավիրուսի տարածման պատճառով:

Այս մասին գրում է Reuters լրատվական գործակալությունը, տեղեկացնելով՝ սահմանափակումները կտևեն 5 օր:

Նշվում է՝ քաղաքում 1 օրվա ընթացքում հայտնաբերվել է կորոնավիրուսով վարակման 13 դեպք: Հիվանդության օջախը Մելբուռնի «կարանտինային հյուրանոցներից» մեկում է: Բոլոր վարակակիրների մոտ հայտնաբերվել է կորոնավիրուսի «բրիտանական տարբերակը»:

Հիշեցնենք, որ դեկտեմբերի կեսերին Բրիտանիայում հայտնաբերվել էր կորոնավիրուսի նոր շտամ, որը 70 տոկոսով ավելի արագ է տարածվում, սակայն դրա վտագավորության մասին տեղեկություններ դեռևս չեն հաղորդվում:

Կորոնավիրուսի համավարակից ի վեր՝ Ավստրալիայում հայտնաբերվել է COVID-19-ով վարակման 28 887 դեպք, որի պատճառով մահացել է 909 մարդ: