Ռուս խաղաղապահներն ավելի քան 60 ադրբեջանական բեռնատար են ուղեկցել դեպի Շուշի. ՌԴ ՊՆ

10:53 • 12.02.21

Ռուս խաղաղապահները շարունակում են աջակցություն տրամադրել Ադրբեջանի և Հայաստանի պետական մարմիններին՝ Լեռնային Ղարաբաղում քաղաքացիական ենթակառուցվածքների վերականգնման և տուժած շրջանների բնակչության բնականոն կենսագործունության համար պայմաններ ստեղծելու նպատակով: Այս մասին ասվում է ՌԴ ՊՆ մամուլի հաղորդագրության մեջ:

Հաղորդվում է, որ ադրբեջանական կողմի խնդրանքով ռուսական խաղաղապահ զորակազմի զինծառայողներն ապահովել են ադրբեջանական ավտոմոբիլային տեխնիկայի երկու շարասյան տեղաշարժի անվտանգությունը Լեռնային Ղարաբաղի տարածքով:

«Ռուս զինծառայողների ուղեկցությամբ ավելի քան 60 բեռնատար ավտոմեքենա շինարարական նյութեր են տեղափոխել Շուշի՝ ենթակառուցվածքների վերականգնման համար»,- ասվում է ՌԴ ՊՆ տեղեկագրում: