«Հարգում եմ այս կանանց ու գիտեմ, որ ժամանակին ձախողվել եմ». 19 տարի անց Ջասթին Թիմբերլեյքը ներողություն է խնդրել Բրիթնի Սփիրսից և Ջանեթ Ջեքսոնից

16:27 • 13.02.21

Ամերիկացի հայտնի երգիչ Ջասթին Թիմբերլեյքը հրապարակավ ներողություն է խնդրել իր նախկին ընկերուհի, երգչուհի Բրիթնի Սփիրսից՝ 19 տարի առաջ նրան իրենց բաժանման համար մեղադրելու և այդ բաժանումը կարիերայի առաջխաղացման նպատակով օգտագործելու համար: 

Այս մասին գրում է Daily Mail-ը, նշելով՝ երգիչն այս մասին հայտարարել է իր ինստագրամյան պաշտոնական միկրոբլոգում: 

Բացի այդ, Թիմբերլեյքը ներողություն է խնդրել նաև երգչուհի Ջանեթ Ջեքսոնից 2004 թվականին տեղի ունեցած միջադեպի համար: 

Հիշեցնենք՝ երգիչը մոտ 17 տարի առաջ Super Bowl երաժշտական մրցանակաբաշխության ժամանակ փորձել էր պատռել Ջեքսոնի բեմական հագուստը՝ նրա կուրծքը հասարակությանը ի ցույց դնելու նպատակով: Տեղի ունեցածի համար երգչուհու հասցեին մի շարք վիրավորանքներ ու քննադատություններ էին հնչել: 

In 2004, Timberlake, then 23, performed with Janet Jackson, then 38, at the Super Bowl. At the end of the performance, he tore off her costume to expose her breast. The moment afterwards is shown

Նշենք՝ այդ ժամանակ միջադեպը ներկայացվել էր որպես անզգույշ պատահար, որ տեղի էր ունեցել միջացառման ժամանակ, իսկ այսօր Թիմբերլեյքը խոստովանել է, որ այն իրականում դիտավորություն է եղել: 

«Ես ուզում եմ անհատապես ներողություն խնդրել Բրիթնի Սփիրսից և Ջանեթ Ջեքսոնից, քանի որ ես հարգում եմ այս կանանց ու գիտեմ, որ ժամանակին ձախողվել եմ: Ես գիտեմ՝ այս ներողությունն ուղղակի առաջին քայլ է, և այն չի փոխում անցյալը, բայց ես ուզում եմ պատասխանատվություն ստանձնել իմ վատ արարքների համար: Ես խորապես մտածում եմ այն մարդկանց բարեկեցության մասին, որոնց սիրում եմ և սիրել եմ»,- գրել  է նա: 

Կանանցից որևէ մեկը հրապարակավ դեռևս չի արձագանքել Թիմբերլեյքի ներողությանը:

Նշենք՝ Թիմբերլեյքը ներողություն է խնդրել այն բանից հետո, երբ նրան սկսել են պիտակավորել Բրիթնի Սփիրսի մասին վավերագրական ֆիլմի հրապարակումից հետո, որի որոշ դրվագներում հստակեցվում է՝ «Սփիրսը շատ է շահագործվել այն տղամարդկանց կողմից, որոնք եղել են իր կյանքում»: Երգչուհու երկրպագուների խոսքով՝ այն տղամարդկանցից մեկը հենց Թիմբերլեյքն է եղել:

Հիշեցնենք՝ զույգը հանդիպել է 1999 թվականից մինչև 2002 թվականը: Սփիրսն ու Թիմբերլեյքի բաժանվել են շատ կտրուկ, որից հետո համացանցում սկսել էին լուրեր շրջանառվել, թե երգչուհին է դավաճանել է ընկերոջը: Այնուամենայնիվ, բաժանման հստակ պատճառների մասին մինչ օրս որևէ տեղեկություններ չեն հաղորդվում: 

Timberlake and Spears dated from 1998 until 2002 and were an iconic star duo. After their break-up, she suffered mental health episodes and had control of her life taken by her father

Այդ ժամանակից ի վեր արտիստները բաժանման թեմատիկան օգտագործել են իրենց ստեղծագործություններում: Մասնավորապես, 2002 թվականին Թիմբերլեյքն իր՝ Cry me a river երգի հիման վրա նկարահանված տեսահոլովակում, որը հետագայում հիթ է դարձել, օգտագործել էր  Սփիրսի արտաքին տեսքը հիշեցնող որոշ դետալներ: